سياسة الاسترجاع والإلغاء

١. الاشتراك الشهري

• باقة ستارتر: ٢٤٠٠ جنيه في الشهر.
• باقة جروث: ٥٠٠٠ جنيه في الشهر.
• باقة إنتربرايز: بعرض سعر مخصّص حسب احتياج البيزنس.
• تقدر تلغي الاشتراك في أي وقت، من غير أي ارتباط طويل المدى.

٢. تحصيل الدفع

الدفع بيتحصّل عن طريق فريقنا بعد مكالمة التفعيل، وقبل ما الوكيل يشتغل على رقمك.

٣. الإلغاء

• تقدر تلغي اشتراكك في أي وقت بإشعار لينا على واتساب أو من صفحة «تواصل معنا».
• الإلغاء بيسري من نهاية فترة الاشتراك المدفوعة، ومش هيتحصّل منك أي مبلغ بعدها.
• لو نبرة أوقفت الخدمة من غير سبب من طرف العميل، بنرجّع قيمة الفترة المدفوعة اللي لسه متستخدمتش.

٤. الإعداد والتعديلات

بناء الإيجنت وتجربته الأولى ببلاش. بعد التفعيل، تعديل أسعارك ومعلوماتك ومواعيدك داخل في اشتراكك الشهري من غير أي رسوم إضافية.

٥. التكاليف اللي داخلة في الباقة

الباقة شاملة استخدام الذكاء الاصطناعي في حدود عدد المحادثات الشهري بتاعها. رسوم ميتا على رسايل واتساب اللي بتبدأها إنت (زي الرسايل الجماعية أو رسايل التذكير) مش داخلة في الباقة، وبتتدفع لميتا مباشرةً.

٦. إزاي تطلب الإلغاء أو الاسترجاع

ابعتلنا طلبك من صفحة «تواصل معنا» أو على واتساب، وهنرجعلك في أقرب وقت.